मादीको काउरेडाँडा–तल्लो छाचोक सडक खण्ड बन्द, वैकल्पिक बाटो प्रयोग गर्न आग्रह

पोखरा । कास्कीको मादी गाउँपालिका वडा नम्बर ७ स्थित काउरेडाँडादेखि तल्लो छाचोकसम्मको सडक खण्ड सवारी आवागमनका लागि बन्द गरिएको छ । सडक ढलान कार्य सुरु गर्नुपर्ने भएकाले आइतबार (मंसिर १६) देखि अर्को सूचना जारी नहुँदासम्मका लागि बाटो बन्द गरिएको वडा कार्यालयले जनाएको छ ।
काउरेडाँडा ज्याम्दु ताडतिङ सडक खण्ड अन्तर्गत पर्ने उक्त बाटो साँघुरो र एकतर्फी मात्र भएकाले सवारीसाधन चल्दा निर्माण कार्यमा अवरोध सिर्जना भएको वडाध्यक्ष दुर्गाबहादुर गुरुङले जानकारी दिए । ढलान कार्यलाई सहज बनाउन सवारी साधन रोक्नुपरेको उनले बताए ।
वडा कार्यालयले यो बाटो भएर आउजाउ गर्ने सवारी साधनलाई वैकल्पिक मार्ग प्रयोग गर्न आग्रह गरेको छ । यात्रु तथा सवारी चालकले विजयपुर खोलादेखि भैंसे हुँदै मध्यपहाडी लोकमार्गको बाटो प्रयोग गर्न सक्नेछन् । निर्माण अवधिभर आउजाउमा पर्न गएको असुविधाप्रति वडा कार्यालयले क्षमा मागेको छ ।









मुलुकमा निर्वाचनको वातावरण बनेको छः सञ्चारमन्त्री खरेल
मेला महोत्सवमा आकर्षण बन्दै ‘झाँक्री नाच’
मुलुक चुनावमा होमियो, अब सुशासन र समृद्धिको मार्ग: संचारमन्त्री खरेल
कवि शिरोमणिको दर्शनमा विद्यावारिधि गर्ने ढकालको अभिनन्दन
निकासबिना पोखरामा साढे ३ करोडको पक्की पुल, राज्यस्रोतको दोहन
यात्रुसँग अभद्र व्यवहार गर्ने ५ ट्याक्सी चालकलाई पोखरा विमानस्थलमा १ महिना प्रतिबन्ध
एमाले गण्डकी अध्यक्ष शर्माका १२ वर्षीय छोराको निधन
नेपालको विकास योजनामा ‘स्थानिक चिन्तन’ को अभाव
तपाईको प्रतिक्रिया