समाधान संवाददाता, पोखरा

क्लासिक टिचले प्रदान गर्दै आएको सेवालाई थप आकर्षक सुविधा प्रदान गर्न सम्झौता भएको छ ।

प्रभु टिभिको इन्टरनेटसँगै टिभि सेवा १० वर्षदेखि प्रदान गर्दै आए पनि थप सेवा उपलव्ध गराउन कम्पनी बनेको उल्लेख छ । इन्टरनेट सेवा प्रदान गर्दै आएको क्लासिक टेक प्रालिले प्रभु टिभिसँग सहकार्य गर्दै उच्च गुणस्तरको इन्टरनेटसँगै टिभि सेवा, क्लासिक प्रभु टिभिको नामबाट बजारमा ल्याउने जनाएको छ ।

सहकार्यले लामो समयदेखि गुणस्तरीय इन्टरनेट तथा टिभि सेवा माग गरिरहेको ग्राहकलाई राहत पुग्ने कम्पनीको विश्वास छ । काठमाडौं उपत्यका लगायत ठूला सहरमा उपलब्ध गराउँदै आएको सुविधा अन्य सहरमासमेत विस्तार गर्ने कम्पनीले जनाएको छ । क्लासिक टिच र प्रभु टिभिको सहकार्यकमा आकर्षक स्किम ‘आयो है आयो’ बजारमा ल्याएको हो ।

कम्पनीले ३० एमबिपिएस गतिको ‘आयो है आयो’ प्लान ९ सयका दरमा प्रति महिना ग्राहकलाई उपलब्ध गराउने भएको छ । टिभिको सुविधा निशुल्क प्रदान गर्नेसमेत कम्पनीले जनाएको छ । नेपालमा यति कम मुल्यमा इन्टरनेट र टिभिको सुविधा उपलब्ध गराइएको पहिलो पटक भएको कम्पनीले दावी छ । कम्पनीले सीमित अवधिका लागिमात्र प्याकेज उपलब्ध गराएको विज्ञप्तिमार्फत् उल्लेख गरेको छ ।