समाधान संवाददाता
वालिङ

स्याङ्जाको बिरुवा गाउँपालिका ७ मा भएको ट्रयाक्टर दुर्घटनामा परी १ जनाको ज्यान गएको छ । सुरुङबाट बलेउतर्फ जाँदै गरेको रा १ त २१०० नं को ट्रयाक्टर एक्कासि पल्टिन जाँदा सहचालक वनध्वज गुरुङको ज्यान गएको प्रहरीले जनाएको छ । ट्रयाक्टर बिरुवा ७ सुरुङका ३ जना चढेका थिए ।

गए राति करिब १० बजेको समयमा दुर्घटना हुँदा चालक तेजबहादुर गुरुङ र सहचालक वनध्वज गुरुङ ट्रयाक्टरमा च्यापिएको देखेपछि स्थानीयले प्रहरीलाई खबर गरेका थिए । प्रहरी घटनास्थल पुग्नुभन्दा पहिले नै स्थानीयले उद्धार गरी घाइते चालक १९ वर्षीय तेजबहादुर गुरुङ र १७ वर्षीय सहचालक ठगराज गुरुङलाई उपचारका लागि पोखरा पठाएका थिए । चालकको चालक अनुमतिपत्र नभएको बताइएको बताइएको छ ।

ग्रामीण भेगका सडकको स्तरोन्नति नहुने र चालकको लापरबाहीका कारण यस्ता दुर्घटना हुने गरेका छन् ।