पाेखरा

सरकारले सञ्चालन गरेको  कोरोना राहत कोषमा  चिकित्सक र स्वास्थकर्मीको तलबबाट रकम कट्टी नहुने भएको छ ।

स्वास्थ्य तथा जनसंख्या मन्त्रालयले बिहीबार गरेकाे नियमित पत्रकार सम्मेलनमा प्रवक्ता डा विकास देवकोटाले मन्त्रालय मातहतका चिकित्सक र स्वास्थ्यकर्मीलाई कुनै पनि परिपत्र नगरिएको जानकारी गराए ।

उनले चिकित्सक र स्वास्थ्यकर्मीलाई उच्च मनोबलका साथ काम गर्न आग्रह गरे ।  

काेराेना संक्रमणकाे आशंकामा शुक्रबारसम्म मुलुकभर ३ हजार ५ सय २४ र बाहिर नमुना परीक्षण गरिएको छ ।

हाल राजधानी बाहिर १० ठाउँबाट धमाधम नमुना परीक्षण गरिएको र दायरा पनि बढाइएको देवकोटाले जानकारी गराए ।

कैलालीमा ३ सय ४९ जनाको कञ्चनपुरमा १ सय ३७ कपिलवस्तुमा २१ र बागलुङमा १९ जनाको र्‍यापिड टेस्ट गरिएको र सबैको नतिजा नेगेटिभ रहेको उनले बताए ।  

मुलकभर शुक्रबार ८ सय भन्दा बढी नमुनाको परीक्षण भइरहेको छ ।

र्‍यापिड टेस्टका लागि सबै प्रदेशमा ५ हजारका दरले किट पठाइएकाे र क्वारेन्टाइनमा राखिएका सबैकाे परीक्षण गर्ने लक्ष्य राखिएकाे डा देवकाेटाले जानकारी दिए ।

र्‍यापिड टेस्ट गरिएका सबै नमुना राष्ट्रिय प्रयाेगशालामा पुन परीक्षण गरिने मन्त्रालयले जनाएकाे छ ।

शुक्रबासम्म मुलुकभर ८ हजार ६ सय ६० जना क्वारेन्टाइनमा राखिएकाे छ भने १ सय25जनालाई आइसाेलेसनमा राखिएकाे छ ।