पाेखरा

कोरोना संक्रमणपछि विश्वभर ३ लाख ४९ हजार ८ सय ९४ जनाकाे मृत्यु भएकाे छ ।

जोन हप्किन्स विश्वविद्यालयले प्रकाशित बुधबार बिहानसम्मको तथ्यांक अनुसार मृत्यु हुनेको संख्या अमेरिकामा सबैभन्दा बढी छ। त्यहाँ ९८ हजार ८ सय ७५ को मृत्यु भइसकेको छ।

बेलायतमा ३७ हजार १ सय ३०, इटालीमा ३२ हजार ९ सय ५५, फ्रान्समा २८ हजार ५ सय ३३ जनाको मृत्यु भइसकेको छ।

यसैगरी विश्वभर कोरोना भाइरस संक्रमण पुष्टि हुनेको संख्या ५५ लाख ८४ हजार ९१ पुगेको छ। अमेरिकामा सबैभन्दा बढी १६ लाख ८० हजार ३ सय १ जनामा संक्रमण पुष्टि भएको छ।

त्यस्तै, ब्राजिलमा ३ लाख ९१ हजार २ सय २२, रुसमा ३ लाख ६२ हजार ३ सय ४२, बेलायतमा २ लाख ६६ हजार ५ सय ९६, स्पेनमा २ लाख ३६ हजार २ सय ५९, इटालीमा २ लाख ३० हजार ५ सय ५५ जनामा संक्रमण पुष्टि भएको छ।

विश्वभर २२ लाख ८४ हजार २ सय ४२ जना संक्रमित अहिले संक्रमणमुक्त भइसकेका छन्। संक्रमणमुक्त हुनेको संख्या पनि अमेरिकामा नै धेरै छ। त्यहाँ ३ लाख ८४ हजार ९ सय २ जना संक्रमणमुक्त भएका छन्।

जर्मनीमा १ लाख ६१ हजार ९ सय ६७, ब्राजिलमा १ लाख ५८ हजार ५ सय ९३, स्पेनमा १ लाख ५० हजार ३ सय ७६ जना संक्रमणमुक्त भएका छन्।

भारतमा डेढ लाखमा संक्रमण

भारतमा कोरोना संक्रमितको संख्या १ लाख ५० हजार नाघेको छ। जोन हप्किन्स विश्वविद्यालयले प्रकाशित गरेको बुधबार बिहानसम्मको तथ्यांक अनुसार भारतमा १ लाख ५० हजार ७ सय ९३ मा संक्रमण पुष्टि भएको छ।

भारतमा ४ हजार ३ सय ४९ जनाको संक्रमणपछि मृत्यु भएको छ। ६४ हजार २ सय ७७ जना संक्रमित अहिले संक्रमणमुक्त भएका छन्।

सर्वाधिक संक्रमण फैलिएका देशको सूचीमा भारत १० औं स्थानमा छ। भारतभन्दा अघि क्रमशः टर्की, जर्मनी, फ्रान्स, इटाली, स्पेन, बेलायत, रुस, ब्राजिल र अमेरिका छन्।