समाधान संवाददाता
पोखरा २२ जेठ

हाम्रो सहयोगी बचत तथा ऋण सहकारी संस्थाले कोरोनाको कारण लकडाउनका बीच पनि विविध कार्यक्रमको आयोजना गरी ११ औं वार्षिकोत्सव मनाएको छ ।

संस्थाले आफ्नो वार्षिकोत्सवको अवसरमा पोखरा महानगरले स्थापना गरेको कोभिड १९ रोकथाम उपचार कोषमा २२ हजार २ सय २२ रुपैयाँ सहयोग गरेको छ । वार्षिकोत्सवका अवसरमा आयोजित रक्तदान कार्यक्रमका बीच पोखरा महानगर सहकारी विभागका प्रमुख तेजनारायण अधिकारीलाई संस्थाका अध्यक्ष शुक्रराज कँडेलले उक्त रकम बराबरको चेक हस्तान्तरण गरेका थिए ।

कोभिड १९ लाई मध्यनजर गरी सहकारीले आफ्नो सम्पूर्ण कर्मचारी तथा सञ्चालक समितिको सम्पूर्ण पदाधिकारीहरुलाई समेटेर १ लाख को कोभिड बिमा गर्ने घोषणा गर्दै उक्त बिमाका लागि बिमा शुल्कको २ सय २५ रुपैयाँ संस्थाले बेहोर्ने गरी हाम्रो सहयोगी स्वास्थ्य सुरक्षा कोषको समेत सुभारम्भ गरिएको संस्थाका महासचिव लोकेन्द्रकुमार राइले जानकारी दिए ।

वार्षिकोत्सवकै अवसरमा आयोजित रक्तदान कार्यक्रममा ३१ पिन्ट रगत समेत संकलन गरिएको महासचिव राईले जानकारी दिए । संस्थाका अध्यक्ष शुक्रराज कँडेलको अध्यक्षतामा सम्पन्न कार्यक्रममा पोखरा महानगर सहकारी विभागका प्रमुख तेजनारायण अधिकारी, संस्थाका सल्लाहकार राधिका योगी शाही, संस्थाका संस्थापक अध्यक्ष गिरिप्रसाद गुरुङ, पूर्व अध्यक्ष किसान सुनार लगायले बोलेका थिए ।

संस्थाका उपाध्यक्षबाट स्वागत मन्तव्य र लेखा सुपरिवेक्षक डिल्ली शर्माले सहकारीको ६ सिद्धान्त वाचन गरेका थिए ।