कृष्ण थापा

धेरै साना योजना छान्यौं । ठूला योजना छानौं भनेर भन्यौ । विद्युतको क्षेत्रमा एउटा ठूलो योजना, उद्योगमा त्यस्तै गरेर जान प्रदेश जान चुकिरहेको छ ।

धेरै घिउ खाए पनि गौवा त त्यहीं छ नि भन्ने चलन छ । संघीय व्यवस्थालाई राम्रो बनाउने भनेर जति फूलबुट्टा भरे पनि हाम्रो बजेट यही हो । बजेटको ४५ प्रतिशत रकबाट हामीले कुनै परिवर्तन गर्न सक्दैनौं । तसर्थ सबै कुरा गौवा जस्तै छ । यति सानो बजेटले प्रदेशलाई समृद्ध बनाउँछौं जस्तो लाग्दैन ।

बजेट वास्तवमा समानुपातिक किसिमले पिछडिएका क्षेत्रलाई विशेष आधार मानेर विनियोजन गर्नुपर्छ । नत्र पिछडिएको जनता लाभान्वित हुँदैनन् । समान भनेर हुन्न । जहाँ राम्रो भएको छ, त्यहाँ पनि उही र जहाँ राम्रो भएको छैन, त्यहाँ पनि उही गरेन हुँदैन ।

धेरै साना योजना छान्यौं । ठूला योजना छानौं भनेर भन्यौ । विद्युतको क्षेत्रमा एउटा ठूलो योजना, उद्योगमा त्यस्तै गरेर जान प्रदेश जान चुकिरहेको छ । कोभिडका कारण स्वास्थ्यमा धेरै बजेट छ भनेर खुट्टा उचालेका छौं । तर पालिकास्तरमा हेरौं त कहाँ छ स्वास्थ्यमा बजेट ? एउटा पालिकामा त एउटा योजना त जाओस् स्वास्थ्यको । किन ध्यान दिन सकेनौं हामीले ।

मुटु, रोग क्यान्सर रोगको हस्पिटललाई २ करोड छ । मंसिरमा मुटुरोग, क्यान्सर रोगको अस्पताल उद्घाटन भएको देख्न पाऊँ । पुराना योजनालाई निरन्तरता दिनु स्वाभाविक हो, तर पुरानामा छनोट नभएकालाई कसरी निरन्तरता दिने ? दिनुपर्छ कि पर्दैन । छुटेका योजनालाई सम्बोधन गर्न आवश्यक छ ।

भ्रष्टाचार बढेको छ । महँगी बढेको छ । जनतालाई सेवा सुविधा दिन महँगी नियन्त्रणमा, भ्रष्टाचार नियन्त्रणमा सरकार गम्भीर बनोस् । योजना लथालिंग पार्ने ठेकेदार वा उपभोक्ता समितिलाई कारबाही गर्ने कार्यविधि पनि आउनुपर्छ भन्ने अनुरोध सरकारलाई गर्छु ।

गण्डकी प्रदेशसभामा आगामी आवकाे बजेटमाथिकाे छलफलका क्रममा शुक्रबार राजमाे सांसद थापाले राखेकाे विचार।