समाधान संवाददाता, पोखरा

बागलुङमा पहिरोमा पुरिएर २ जना बेपत्ता भएका छन् । बागलुङ नगरपालिका–१ निरयघाट नजिक खसेको पहिरोमा पुरिएर टिपर र ट्रयाक्टर चालक बेपत्ता भएको बागलुङका प्रहरी प्रमुख एसपी शारदाप्रसाद चौधरीले जानकारी दिए ।

पहिरोले जेसिबी पनि पुरेको तर त्यसका चालक सुरक्षित रहेको एसपी चौधरीले जानकारी दिए । २ जना चालकबाहेक अरु पनि पुरिएको हुनसक्ने अनुमान गरिएको छ ।

एसपी चौधरीले भने, ‘अहिले पुरिएको टिपर र ट्रयाक्टर खोज्दै छौं । जेसिबीमा बच्चा पनि थियो भन्ने आएको छ ।’ उनका अनुसार शनिबार राति साढे ७ बजे पहिरो खसेको हो ।