समाधान संवाददाता

पाेखरामा मंगलबार राती १२ बजेबाटै निषेधाज्ञा लागेकाे थियाे । पाेखरा महानगरपालिकाले त राती ११ बजेबाटै गाडी नचलाउन र घर बाहिर ननिस्कन भन्दै मंगलबार दिउसैबाट माइकिङ्ग गरेकाे थियाे ।

यसैकाे अवज्ञा गर्दै मंगलबार राती १ बजेपछि चलेकाे एउटा बाेलेराे जिपले ठक्कर दिँदा कार्यक्षेत्रमा खटिएका एक प्रहरी जवानकाे मृत्यु भएकाे छ भने एक जना गम्भीर घाइते छन् ।

मृत्यु हुनेमा पाल्पा घर भएका र वडा प्रहरी कार्यलय बैदाममा कार्यरत प्रहरी जवान चन्द्रबहादुर बगाले छन् ।

जवान बगालेले चलाएकाे माेटर साइलाई मालेपाटनमा ग २ च २६२६ नम्बरको बोलेरो जिपले ठक्कर दिएकाे थियाे । उनकाे पछाडि बसेका हबल्दार डम्बरहादुर थारु गम्भीर घाइते छन् ।

उनीहरु रातीमा गस्ती मै हिडेकाे कास्कीका डिएसपी सुवास हमालले बताएका छन् । दुर्घटना लगत्तै दुवै जनालाई गण्डकी मेडिकल कलेजमा लगिएकाे थियाे । बगालेकाे अस्पताल मै उपचारका क्रममा मृत्यु भयाे ।

प्रहरीले जिप चालक पोखरा -५ का २३ वर्षीय विशाल केसीलाई पक्राउ गरेकाे छ ।