समाधान संवाददाता

गण्डकी प्रदेशका प्रहरी प्रमुख प्रहरी नायव महानिरीक्षक घनश्याम अर्याल काेराेना संक्रमण पुष्टि भएपनि आफ्नाे जिम्मेबारी अनुसारकाे काम गरिरहेकाे बताएका छन् ।

आइतबार काेराेना संक्रमण पुष्टि भएका डिआइजी अर्याल संक्रमितकाे कन्ट्याक ट्रेसिङमा परेदेखि नै हाेम आइसाेलेशनमा बसेका थिए ।

पाेखरा स्थित आफ्नै क्वाटरमा आइसाेलेशनमा बसेका डिआईजी अर्यालले क्वाटरबाटै काम गरिरहेका छन् । आफ्नाे मातहतकाे निकायबाट रिपाेर्ट लिने र आवश्यक आदेश दिने काम घरबाटै गरेकाे छु– उनले समाधानसँग भने ।

आफु संक्रमित भए पनि प्रदेशभर प्रहरीकाे काममा कुनै असर पर्न नदिने बताउदै उनले भने–अहिले कार्यलय जाने, फाइल हेर्ने र हस्ताक्षर गर्ने काम स्थगित छन् , तत्कालका लागि यसले केही फरक पार्दैन ।

आफूमा काेराेना संक्रमण पुष्टि भएपनि लक्षण केही नरहेकाे उनले बताए । मलाई त सामान्य खाेकी पनि लागेकाे छैन् भन्दै एक प्रतिशत पनि लक्षण नरहेकाे दावी गरे ।

उनलाई संक्रमण पुष्टि भएपछि उहाँकी श्रीमती, चालक सहितका सुरक्षाकर्मी, भान्से लगायतका कर्मचारीकाे आजै स्वाब संकलन गरिएकाे छ ।

डिआइजी अर्यालले काेराेना महामारीका बेलामा पनि प्रहरी सुरक्षाकर्मीले आफ्नाे ज्यानकाे लागि भन्दा पनि देशकाे सेवामा खटिएकाे दावी गरे । मलाई पनि काममै खटिएकाे बेलामा भाइरस सर्‍याे, तर यसलाई सहजै जित्ने आत्मबल छ–उनले भने ।

कर्म क्षेत्रमा खटिएका प्रहरीलाई उच्च मनाेबलका साथ जिम्मेबारी पुरा गर्न पनि डिआइजी अर्यालले आग्रह गरेका छन् ।