समाधान संवाददाता

जिल्ला प्रहरी कार्यालय स्याङ्जाको प्रहरी टोलीले महिलाको कुटपिट पछि मृत्यु भएको घटनामा संलग्न रहेको अभियोगमा एक जनालाई सोमबार पक्राउ गरेको छ ।

पक्राउ पर्नेमा गुल्मी घर भई स्याङ्जाको पुतलीबजार नगरपालिका ३ कालीमाटी बस्ने ४१ वर्षिय कृष्ण परियार छन् ।

पक्राउ परेका परियार असोज २५ गते स्याङ्जा पुतलीबजार नगरपालिका पुतलीखेतकी ३५ वर्षिया मनकुमारी नेपालीलाई कुटपिट गरि घाईते बनाई फरार रहेका थिए ।

नेपालीको उपचारका क्रममा जिल्ला अस्पताल स्याङजामा मृत्यु भएको थियो ।

घटना खुलेपछि प्रहरी टोली खटिई कृष्ण परियारलाई पक्राउ गरेको हो । पक्राउ परेका परियारमाथि ज्यान सम्बन्धी कसुर (कर्तव्य ज्यान) शिर्षकमा मुद्धा दर्ता गरी थप अनुसन्धान भईरहेको जिल्ला प्रहरी कार्यालय स्याङ्जाले जनाएको छ ।