समाधान संवाददाता, पाेखरा ।

भाेलि देखि सुरु हुने गण्डकी प्रदेश सभाकाे विशेष अधिवेशन कसरी अघि बढाउने भन्ने विषयमा दलहरुबीच सहमति जुटाउन संसदको कार्य व्यवस्था परामर्श समितिको अहिले ११ बजे बस्दैछ ।

याे विशेष अधिवेशनकाे एउटा मात्र बिजनेस छ, त्याे हाे मुख्यमन्त्री पृथ्वीसुब्बा गुरुङ विरुद्ध अविश्वासकाे प्रस्ताव । त्यही प्रस्ताव छलफलमा कसरी लैजाने र मतदान कहिलेसम्म गर्ने भन्ने विषय आजै बस्ने बैठकले लगाउन सक्छ ।

आइतबार बिहान ११ बजे बाेलाइएकाे कार्यव्यवस्था परामर्श समितिको बैठकले अविश्वासकाे प्रस्ताव कसरी अघि बढाउने भन्ने टुङ्गाे लगाउने प्रदेश सभा सचिव हरिराज पोखरेलले जानकारी दिएका छन् ।

माअाेवादी केन्द्र र जनमाेर्चा नेपालकाे समर्थनमा बनेकाे गुरुङ नेतृत्वकाे सरकार दुवै दलले साथ छाेड्ने भएपछि अल्पमतमा छ । त्यसैले नेपाली कांग्रेसकाे नेतृत्वमा उनी विरुद्ध अविश्वासकाे प्रस्ताव दर्ता भएकाे छ ।

मुख्यमन्त्रीमा प्रस्ताविन नेपाली कांग्रेस संसदीय दलका नेता कृष्णचन्द्र नेपाली पाेखरेलकाे पक्षमा २८ सांसदले अविश्वासकाे प्रस्तावमा हस्ताक्षर गरिसकेका छन् भने जनमाेर्चाका ३ सांसदलाई गुरुङ सरकारकाे विपक्षमा मतदान गर्न पार्टीकाे केन्द्रले भनिसकेकाे छ ।‌