समाधान संवाददाता, पाेखरा ।

मुख्यमन्त्री पृथ्वीसुब्बा गुरुङले गण्डकी प्रदेश सरकारकाे मन्त्रिमण्डल बिस्तारकाे तयारी गरेका छन् । उच्च श्राेतका अनुसार अन्यथा नभएमा आजै दिउसाे मन्त्रिमण्डल बिस्तार हुनेछ ।

अन्य राजनैतिक दलहरुसँग पनि छलफल गरेर मन्त्रिपरिषद् बिस्तार गर्ने साेचमा परिवर्तन गर्दै तत्काल काम चलाउनका लागि सानै आकरमा भए पनि बिस्तार गर्ने निष्कर्षमा मुख्यमन्त्री पुगकाे श्राेतले दावी गर्याे ।

क्याविनेटमा मुख्यमन्त्री एक्लै हुँदा सरकारकाे काम कारवाही प्रभावित भएका छन् । उनले बैशाख २९ गते सदनमा सबै भन्दा ठुलाे दलकाे नेताकाे हैसियतले मुख्यमन्त्रीकाे सपथ लिएका थिए ।

मन्त्रिपरिषद् १ सदस्यीय हुँदा क्याविनेट पनि बस्न पाएकाे छ । क्याविनेट कम्तिमा २ सदस्यीय हुनै पर्ने कानुनी व्यवस्था छ ।

आगामी असार १ गते बजेट ल्याउनै पर्ने बाध्यता प्रदेश सरकारहरुलाई छ । अर्थमन्त्री नहुँदा बजेट निर्माणकाे काम पनि प्रभावित भएकाे छ ।

साथै काेराेना महामारीका विरुद्धकाे अभियानमा नेतृत्व गर्नु पर्ने स्वास्थ्य मन्त्री पनि नहुँदा काम प्रभावकारी हुन नसक्ने भन्दै याे मन्त्रालयलाई पनि नेतृत्व दिने साेँच मुख्यमन्त्रीले बनाएकाे श्राेतकाे दावी छ ।

काे कस्लाई मन्त्री बनाउने भन्ने निर्णय भने फाइनल नभसकेकाे र मुख्यमन्त्री अझै पनि सल्लाह मै रहेकाे श्राेतले बताएकाे छ । मन्त्रिपरिषद् आजै बिस्तार त हुँदैछ, कति बेला हुन्छ र काे काे मन्त्री बन्छन्, थाहा भएन–श्राेतले भन्याे ।