गण्डकी प्रदेश सभाको बर्खे अधिवेशन आजबाट सुरु भएको छ । आज दलका संसदीय दलका नेताहरुले सम्बोधन गर्ने कार्यक्रम रह्यो । त्यस क्रममा राष्ट्रिय जनमोर्चा संसदीय दलका नेता कृष्ण थापा अनुपस्थित हुँदा उक्त पार्टीकी सांसद पियारी थापाले सम्बोधन गरिन् ।

अधिवेशनको आजको बैठकमा प्रमुख प्रतिपक्ष दलका नेता कृष्णचन्द्र नेपाली पोखरेल, माओवादी केन्द्र संसदीय दलका नेता हरिबहादुर चुमानले सम्बोधन गरे । उनीहरुले नेपाल सरकारका अर्थमन्त्री विष्णुप्रसाद पौडेलले १५ जेठमा प्रस्तुत गरेको बजेटको आलोचना गरे ।

जनमोर्चाकी पियारी थापाले पोखरामा अक्सिजन अभाव हुँदा बिरामीले ज्यान गुमाउनु परेको घटनाप्रति ध्यानाकर्षण गरिन् ।