समाधान संवाददाता, पोखरा

राष्ट्रिय जनमोर्चा गण्डकी प्रदेशको संसदीय दलका नेता कृष्ण थापाको जिम्मेवारी खोसिएको छ । प्रत्यक्ष निर्वाचित सांसद थापालाई हटाएर पार्टीले समानुपातिक सांसद पियारी थापालाई संसदीय दलको नेताको हैसियत दिएको छ ।

अर्का सांसद खिमविक्रम शाहीको अध्यक्षतामा बसेको बैठकले कृष्णलाई हटाएर पियारीलाई संसदीय दल नेताको अख्तियारी सुम्पिएको हो । पार्टीको उक्त जानकारी प्रदेश सभालाई गराएपछि प्रदेश सभाले त्यस सम्बन्धी सूचना सोमबार टाँसेको छ । सूचनामा मिति भने हिजो आइतबारको उल्लेख छ ।

मुख्यमन्त्री पृथ्वीसुब्बा गुरुङको पक्षमा लागेर कांग्रेस नेतृत्वको सरकार बनाउन सहयोग नगरेको भन्दै जनमोर्चाले आफ्ना सांसद कृष्ण थापाको जिम्मेवारी हेरफेर गरेको हो ।