काठमाडौँ – नेकपा एमालेको स्थायी कमिटि बैठक मंगलबार बस्दैछ ।

आइतबार बेलुका बस्ने भनिएको बैठक सोमबारका बिहानका लागि सारिएको थियो । सोमबार पनि स्थगित भएको बैठक मंगलबार बिहान ११ बजेदेखि प्रधानमन्त्री निवास बालुवाटारमा बसेको हो ।

बैठकमा पार्टीको आन्तरिक गतिविधि, राष्ट्रिय राजनीतिकसहितका विषयमा छलफल हुने परराष्ट्र मन्त्री समेत रहेका नेता प्रदीप ज्ञवालीले जानकारी दिए ।

बैठकमा शेरबहादुर देउवालाई प्रधानमन्त्री बनाउने पक्षमा हस्ताक्षर गर्ने थप १२ जना नेतालाई कारवाही, बजेटसहितका विषयमा पनि छलफल हुने जनाइएको छ ।