समाधान संवाददाता, पाेखरा ।

नेकपा एमालेका सांसद साेमप्रसाद पाण्डे र शारदा भट्टले नेकपा एकिकृत समाजवादी दल राेज्न पाउने भएका छन् । सर्बाेच्च अदालतले आज साे फेसला सुनाएकाे छ ।

माधवकुमार नेपाल नेतृत्वमा बनेको एकीकृत समाजवादी दर्ताका लागि एमाले केन्द्रीय सदस्यहरुले सनाखत गर्नुपूर्व नै दुवैले निर्वाचन आयोगमा निवेदन दिएका थिए । तर २ भदौमा दल दर्ताका लागि निवेदन दिँदा दुवैको नाम नभएका कारण आयोगले उनीहरुकाे सनाखत गरेकाे थिएन ।

एकीकृत समाजवादी रोज्न पाउनुपर्ने भन्दै दुवैले हालेको रिटमा न्यायाधीशद्वय इश्वरप्रसाद खतिवडा र नहकुल सुवेदीको इजलासले सनाखतपूर्व नै दल रोजेको देखिएकाले त्यसलाई मुद्दाको टुंगो नलाग्दासम्म असर गर्ने गरी कुनै कारबाही नगर्न अन्तरिम आदेश दिएको छ ।

याे फैसलासँगै एकीकृत समाजवादीको सांसद संख्या बढेको छ । प्रतिनिधिसभामा एकीकृत समाजवादीको सांसद संख्या २३ पुगेको छ भने राष्ट्रियसभामा ८ पुगेको छ ।