समाधान

मोदीवेणी धामस्थित नृसिंह मन्दिरबाट चोरिएका शालिग्रामसहित प्रहरीले ३ जनालाई पक्राउ गरेको छ । चोरीको आरोपमा कुश्मा ४ का कसम पुन, ६ का सुमन गुरुङ र १० का लेखबहादुर नेपालीलाई पक्राउ गरिएको प्रहरीले जनाएको छ ।

मुख्य आरोपित धादिङका अञ्जान बराइलीलाई भने प्रहरीले खोजिरहेको छ । प्रहरीले सोमबार पत्रकार सम्मेलन गर्दै बरामद शिला र पक्राउ परेकालाई सार्वजनिक गरेको हो । ऐतिहासिक महत्वका शालिग्राम फागुन ५ मा चोरी भएपछि खोजी तीव्र पारिएको पर्वत प्रहरी प्रमुख डिएसपी भुवनेश्वर तिवारीले बताए । प्रहरीले ३७ वटा शालिग्राम शिला बरामद भएको छ । ३ जनालाई चोरी मुद्दामा म्याद थपेर प्रहरीले अनुसन्धान गरिरहेको छ ।