पोखरा–नेपाली कांग्रेस पोखरा महानगरपालिकामा निर्वाचित ११ वडाध्यक्षले कार्यपालिकाले गरेका निर्णयहरु सार्वजनिक हुँदा फेरबदल हुने गरेको भन्दै आपत्ति जनाएका छन् ।

पोखरा महानगरपालिकाका वडाध्यक्षहरुको तर्फबाट दलका नेता तथा सचेतक रामराज लामिछानेले आइतबार प्रेस विज्ञप्ति प्रकाशित गरी आपत्ति जनाएका हुन् । विज्ञप्तिमा कार्यपालिकाको ५२ औं बैठकमा आफूहरु उपस्थित भएपनि हस्ताक्षर नगरेको स्पष्ट पारिएको छ ।

सो बैठकसँगै यस अघिका बैठकमा भएका निर्णयहरु पनि फेरबदल भएर आएको भन्दै आपत्ति जनाइएको छ । विज्ञप्तिमा बैठकबाट निर्णय भई बनेका समितिमा पनि आफूहरुको संलग्नता नरहेको उल्लेख छ । नवौं नगरसभामा भएका निर्णयहरु महानगरपालिकाका प्रमुखबाट हालसम्म पनि प्रमाणिकरण नभएको भन्दै कांग्रेसले ध्यानाकर्षणसमेत गराएको छ ।