पोखरा ।
नेपाली कांग्रेस कास्कीको सभापतिका लागि ५ जनाको उम्मेदवारी परेको छ । आइबहादुर गुरुङ, किशोरदत्त बराल, गिरिराज गौतम, पोषनाथ शर्मा र सुदीपमोहन भट्टराईले उम्मेदवारी दर्ता गराएका हुन् । कांग्रेसको १४ औं महाधिवेशन अन्तर्गत बिहीबार उम्मेदवारको मनोनयन दर्ता, अन्तिम नामावली प्रकाशनको कार्यक्रम थियो । शुक्रबार मतदानको कार्यक्रम छ ।

पोखरा नयाँबजारको प्रदर्शनी केन्द्रमा बिहान ८ बजेदेखि ३ बजेसम्म मतदानको कार्यक्रम राखिएको कास्की कांग्रेसका कार्यालय प्रमुख विजयराज अधिकारीले जनाएका छन् । वडा अधिवेशनबाट निर्वाचित क्षेत्रीय प्रतिनिधिहरु मतदाता हुनेछन् । कास्कीमा २ हजारको संख्यामा मतदाता छन् ।

सभापतिका दाबेदारमध्ये आइबहादुर अहिलेका उपसभापति, सुदीपराज सचिव र पोषनाथ पूर्वसचिव हुन् । किशोरदत्त र गिरिराजले कास्की १ बाट महाधिवेशन प्रतिनिधि जितेका हुन् । किशोरदत्तले एक नेता एक उद्यमशीलताको नारासहित उम्मेदवारी दिएका छन् ।

उम्मेदवारहरुको नामावली निम्नानुसार छ ।