पोखरा ।

मौसम पूर्वानुमान महाशाखाले बिहीबार बिहान गण्डकी प्रदेशका केही स्थानमा हल्का वर्षा भएको जनाएको छ । सुदूरपश्चिम, कर्णाली र लुम्बिनीका केही भागमा पनि पानी परेको छ ।

देशका उच्च पहाडी तथा हिमाली भूभागका केही स्थानमा हल्कादेखि मध्यम हिमपातको सम्भावना रहेको पनि मौसम विभागले जनाएको छ । गण्डकी प्रदेशका केही स्थानमा हल्कादेखि मध्यम वर्षाको सम्भावना रहेको महाशाखाको भनाइ छ ।

देशका पहाडी तथा तराईका थोरै भू–भागमा हल्का वर्षाको साथै उच्च पहाडी तथा हिमाली भू–भागका केही स्थानमा हल्का हिमपातको सम्भावना छ ।

उच्च पहाडी तथा हिमाली भू–भागका केही स्थानमा हल्कादेखि मध्यम हिमपातको सम्भावना रहेको महाशाखाको बुलेटिनमा उल्लेख छ ।

विभागका अनुसार शनिबार देशभर सामान्य बदली रहने छ । देशका केही स्थानहरुमा हल्का वर्षाको समेत सम्भावना रहेको छ । साथै उच्च पहाडी तथा हिमाली भू–भागका केही स्थानमा हल्कादेखि मध्यम हिमपातको सम्भावना रहेको छ ।