पोखरा ।
नेपाली कांग्रेस नेतृत्वको सत्ता साझेदार ५ दलका कास्कीका नेताहरुको बैठक मंगलबार पोखरामा बसेको छ । सरकारले स्थानीय तहको निर्वाचन घोषणा गरेलगत्तै बसेको गठबन्धन बैठकले निर्वाचनको स्वागत गरेको छ ।

कास्की कांग्रेस सभापति किशोरदत्त बरालको अध्यक्षतामा बसेको बैठकमा नेकपा माओवादी केन्द्र कास्की अध्यक्ष बखानसिंह गुरुङ, नेकपा एस कास्की अध्यक्ष धनराज आचार्य, जनता समाजवादी पार्टी कास्की अध्यक्ष गिरिप्रसाद गुरुङ र राष्ट्रिय जनमोर्चा कास्की अध्यक्ष रविमोहन ढकाल सहभागी भए । बैठक कांग्रेस पार्टी कार्यालय महेन्द्रपुलमा बसेको थियो ।

बैठकले स्थानीय तहका गतिविधिको अनुगमन गर्दै सुशासन स्थापनका लागि पहल गर्ने र कास्कीमा गठबन्धनलाई मजबुद बनाउँदै चुनावमय बनाउने निर्णयसमेत बैठकले गरेको जानकारी कास्की कांग्रेस सचिव भानुभक्त ढकालले दिएका छन् ।