पोखरा ।
कुवामा डुबेर एक जनाको मृत्यु भएको छ । तनहुँ भिमाद नगरपालिका वडा नम्बर ३ माझकोट पिपल भन्ज्याङ बस्ने यमकुमारी थापाको कुवामा डुबेर मृत्य भएको जिल्ला प्रहरी कार्यालय तनहुँका डिएसपी यूवराज खड्काले बताए । ४६ वर्षीय कुमारी पानी लिन घरबाट निस्केकी थिइन् ।

घरबाट पश्चिम तर्फ रहेको कुवामा पानी लिन गएकी उनी डुवेको अवस्थामा फेला परेपछि श्रीमान केयरसिंह थापाले प्रहरीलाई खबर गरेको खड्काले जानकारी दिए । डिएसपी खड्काका अनुसार मृत शरिरलाई भिमाद स्वास्थ्य चौकीमा राखिएको छ । ‘घटना कसरी घट्यो प्रहरीको अनुसन्धान जारी छ । कुवामा पानी लिन गएकी उनी मृत भेटिएपछि उनका श्रीमानले प्रहरीलाई खबर गरेका थिए,’ डिएसपी खड्काले भने ।