पोखरा ।

कास्कीको मादी गाउँपालिकामा गठबन्धन नगरी मित्रवत प्रतिस्पर्धाका लागि नेपाली कांग्रेस मादी गाउँपालिका समितिले आह्वान गरेको छ । समिति सभापति यमबहादुर गुरुङले शनिबार विज्ञप्ति जारी गर्दै यस्तो अपिल गरेका हुन् ।

गठबन्धनका लागि माओवादीसहित दलहरुको छलफल निष्कर्षमा पुग्न कठिन भएको गुरुङको भनाइ छ । गाउँपालिका अध्यक्षमा कांग्रेस र नेकपा माओवादी केन्द्र दुबैले दाबी गरेका छन् ।