दमौली l
तनहुँको घिरिङ गाउँपालिका २ का वडाध्यक्ष पूर्णबहादुर थापा पुनः वडाध्यक्षमा नै उठ्ने तयारीमा थिए । अघिल्लो स्थानीय तहको निर्वाचनमा एमालेबाट निर्वाचित वडाध्यक्ष थापाले यस पटक पनि वडाध्यक्षमा उठ्ने आकांक्षा देखाउँदै पार्टीमा नामसमेत टिपाएका थिए ।

तर पार्टीले अर्कै व्यक्तिलाई वडाध्यक्षमा उठाउने तयारी गरेसँगै थापा नेकपा एकीकृत समाजवादी प्रवेश गरेका छन् । वडाध्यक्ष थापा शनिबार नेकपा एसमा प्रवेश गरेका हुन् । उनलाई श्रम, रोजगार तथा सामाजिक सुरक्षामन्त्री कृष्णकुमार श्रेष्ठले पार्टी प्रवेश गराए । नेकपा एसले थापालाई वडाध्यक्षमा उठाउने तयारी गरेको छ ।