पोखरा l
पोखरा ९ नयाँबजार स्थित पोखरा बचत तथा ऋण सहकारी संस्था लिमिटेडले २० सौं स्थापना दिवस मनाएको छ । संस्थाले पोखरा २५ हेमजा स्थित मानवसेवा आश्रमलाई २५ हजार सहयोग गरेको छ ।

संस्थाका उपाध्यक्ष शम्भुराज बास्तोलाले आश्रमका सञ्चालकलाई रहयोग रकम हस्तान्तरण गरे । उनले संस्थाको वार्षिकोत्सवको अवसरमा मानवसेवा आश्रम जस्तो पवित्र परोपकारी संस्थालाई सहयोग गर्न पाउँदा खुसी लागेको बताए ।

०५९ वैसाख १२ गते स्थापित पोखरा बचतमा ४ हजारभन्दा बढी सेयर सदस्य छन् । १० करोड ४८ लाख सेयर पुँजी रहेको यो सहकारीले आ.व. २०७७÷०७८ मा २ करोड २९ लाख ६३ हजार खूद नाफा आर्जन गरेको कोषाध्यक्ष हिरामणि दाहालले बताए । पोखरा ९ नयाँबजार स्थित आफ्नै भवनमा प्रधान कार्यालय रहेको पोखरा बचतले पोखरा ८ सिर्जनाचोक र अमरसिंहचोकमा २ सेवा केन्द्र चलाईरहेको संस्थाका सल्लाहकार आशबहादुर गुरुङले जानकारी दिए ।