पोखरा ।
नेपाल सरकारले आगामी आर्थिक वर्ष २०७९/८० का लागि पोखरा क्षेत्रीय अन्तर्राष्ट्रिय विमानस्थललाई ४ अर्ब ४० करोड रुपैयाँ बजेट विनियोजन गरेको छ ।

निर्माण कार्य अन्तिम चरणमा रहेको विमानस्थलका लागि सरकारले नेपाल नागरिक उड्डयन प्राधिकरणमार्फत बजेट विनियोजन गरेको हो ।

विमानस्थलमा चालु आवमा ५ अर्ब १८ करोड १७ लाख रुपैयाँ बराबरको बजेट कार्यान्वयन भइरहेको छ । गत आवमा पोखरा क्षेत्रीय अन्तर्राष्ट्रिय विमानस्थलले ३ अर्ब ७ करोड २९ लाख रुपैयाँ बजेट खर्च गरेको थियो ।