पोखरा ।
जिल्ला समन्वय समिति लमजुङको उपप्रमुखमा नेकपा एमालेकी बुनाकुमारी रिमाल निर्विरोध भएकी छन् । बेंसीसहर नगरपालिका ७ की रिमाल जिल्ला समन्वय समितिको उपप्रमुखमा निर्विरोध बनेकी हुन् ।

मंगलबार मनोनयन दर्ता भएकोमा रिमालले मात्र उपप्रमुखमा उमेदवारी दर्ता गराइन् । उनले विद्यार्थी कालदेखि नै अखिल नेपाल राष्ट्रिय स्वतन्त्र विद्यार्थी युनियन (अनेरास्ववियु) मा रहेर राजनीतिक यात्रा सुरुवात गरेकी थिइन् । उनी नेकपा एमाले बेंसीसहर नगर कमिटीका उपसचिव, अखिल नेपाल महिला संघको जिल्ला कमिटी उपाध्यक्ष भएर गरेकी थिइन् ।

उनी गत बैशाख ३० गते भएको स्थानीय तह निर्वाचनमा बेंसीसहर नगरपालिका ७ को वडा सदस्यमा निर्वाचित भएकी थिइन् । त्यसलगत्तै बेंसीसहर नगरपालिका कार्यपालिका सदस्यमा निर्विरोध बनेकी थिइन् । उनी निर्विरोध भए पनि औपचारिक घोषणा हुन बाँकी छ ।