पोखरा ।
सिद्धार्थ क्लबको अध्यक्षमा प्रमोदनारायण श्रेष्ठ अध्यक्ष चुनिएका छन् । क्लबको साधारणसभा तथा अधिवेशनबाट इन्दिरा मर्सानी श्रेष्ठ प्रथम उपाध्यक्ष, ओमनाथ अधिकारी द्वितीय उपाध्यक्ष, विनोदप्रसाद श्रेष्ठ निर्देशक, रवि मर्सानी सचिव, देवेन्द्र पराजुली कोषाध्यक्ष, नवराज कुमार गोठाजु सहसचिव निर्वाचित भएका छन् ।

योजना मर्सानी, विकास श्रेष्ठ, प्रदीपकुमार मुल्मी र सुनील श्रेष्ठ सदस्य निर्वाचित भएका छन् । कार्यक्रममा सल्लाहकार समिति संयोजक सुमनकुमार श्रेष्ठ, पूर्व अध्यक्ष राम श्रेष्ठ र आजीवन सदस्य शाल्भी बास्तोला मर्सानीले संस्थाको गरिमालाई कायम गर्दै सामुदायिक रुपान्तरणका कार्यक्रम गर्नुपर्नेमा जोड दिए ।

सभाले वार्षिक प्रगति प्रतिवेदन, आर्थिक प्रतिवेदन, लेखा परीक्षक नियुक्ति लगायतका विषयमाथि छलफल गर्नुका साथै प्रस्तावहरु अनुमोदन गरेको छ । क्लबका अध्यक्ष तीर्थ श्रेष्ठको अध्यक्षतामा भएको कार्यक्रममा तथा पूर्व अध्यक्ष दिलीपकुमार श्रेष्ठ, सहसचिव नवराजकुमार गोठाजु र द्वितीय उपाध्यक्ष विजया श्रेष्ठले पनि बोलेका थिए ।