पोखरा ।
पोखरा महानगरपालिकाको गौडामुखमा आइतबार पौने १० बजे मोटरसाइकलले ठक्कर दिदाँ पैदलयात्रीको मृत्यु भएको छ । माटेपानी गुम्बाबाट काहुँखोला तर्फ जाँदै गरेको ग ११ प ७३८५ नम्बरको मोटरसाइकलले बाटो क्रस गर्दै गरेकी लम्जुङ घर भई हाल पोखरा महानगरपालिका भद्रकाली बस्ने ५३ बर्षीया जुना कुमारी गुरुङलाई ठक्कर दिएको हो ।

दुर्घट्नापछि गम्भीर घाइते भएकी गुरुङको पश्चिम क्षेत्रीय अस्पतालमा उपचारको क्रममा राती साढे १२ बजे मृत्यु भएको कास्की जिल्ला प्रहरी कार्यलयका डिएसपी सुन्दर तिवारीले जानकारी दिए ।

मोटरसाइकल चालक ३३ वर्षिय बिन्तोस गुरुङ हुन् । मोटरसाइकल सहित चालक लाई प्रहरीले नियन्त्रणमा लिएको छ ।