जोमसोम–

मनसुन सुरु भएसंगै विपद् घटनाहरु पनि उत्तिकै हुन गर्छन् ।यसै संम्भावित हुनसक्ने विपद्का घटनाहरुलाई प्रतिकार्य गर्न तथा त्यसको व्यवस्थापन गर्न मुस्ताङको वारागुङ मुक्तिक्षेत्र गाउँपालिकाले बजेटमा ८० लाख रुपैया मौज्याद स्वरुप छुट्याएको छ ।

गत शुक्रबार सो गाउँपालिकाको १४ औं गाउँसभाको नीति तथा कार्यक्रमसहितको बजेट सार्वजनिकीकरण कार्यक्रममा वातावरण तथा विपद् व्यवस्थापन क्षेत्र शिर्षक अन्तर्गत विपद् व्यवस्थापन कोषमा आफ्नो पालिकाले ८० लाख रुपैया विनियोजन गरेको प्रमुख प्रशासकीय अधिकृत जित बहादुर रानाले जानकारी दिए ।

वारागुङ मुक्तिक्षेत्रले आगामी आर्थिक वर्ष २०७९–०८० का लागि वातावरण तथा विपद् व्यवस्थापन क्षेत्र शिर्षकमा १ करोड विनियोजन गरेको उनले बताए ।
वातावरणलाई प्रतिकुल हुन नदिन र त्यसको न्यूनिकरणका लागि वारागुङ मुक्तिक्षेत्र गाउँपालिकाले शैक्षिक सस्थाहरुलाई ईन्डक्सन चुल्हो अनुदानका दिन ५ लाख बजेट विनियोजन गरेको हो ।

यस्तै,विपद् व्यवस्थापन सामाग्री खरिद गर्न १० लाख र फोहोर मैला व्यवस्थापन कार्यक्रम अन्तर्गत डस्टविन खरिद गर्न ५ लाख विनियोजन गरेको जनाएको छ ।