पोखरा ।
खेलकुद पत्रकार मञ्च गण्डकी प्रदेश र नेपाल आदिवासी पत्रकार महासंघ गण्डकी प्रदेशबीचको मैत्रीपूर्ण मिडिया फुटसल प्रतियोगिता भएको छ । नेपाल आदिवासी जनजाति पत्रकार महासंघ (फोनिज)को २३ औं स्थापना दिवसको अवसरमा आयोजित मैत्रीपूर्ण मिडिया फुटसल प्रतियोगितामा आयोजक टिम नेपाल आदिवासी जनजाति पत्रकार महासंघले उपाधि जितेको हो ।

कास्कीको गणेश टोलमा रहेको स्पोर्टस क्यासलमा महिला र पुरुषतर्फ सञ्चालन भएको प्रतियोगितामा खेलकुद पत्रकार मञ्च गण्डकी प्रदेशका महिला र पुरुष दुवै टिमलाई ट्राइबेकरमा पराजित गर्दै आयोजक टिमले उपाधी जितेको हो । जनजाति पत्रकार महासंघले महिला र पुरुषतर्फ ट्राइबेकरमा ५–४ ले पराजित गरेका हुन् ।

विजेता र उपविजेता टोलीलाई प्रदेश खेलकुद परिषद्का सदस्य सचिव तेजबहादुर गुरुङले ट्रफी, मेडल र प्रमाणपत्र प्रदान गरेका थिए । प्रतियोगितको आयोजक नेपाल आदिवासी पत्रकार महासंघ (फोनिज) गण्डकी प्रदेश समिति र सहआयोजकमा कास्की जिल्ला समिति थिए ।