पोखरा ।
पोखरा ४ बुद्ध बिशाल बजारमा रहेको बिशाल बचत तथा ऋण सहकारीको २३ औं स्थापना दिवसको अवसरमा आयोजित रक्तदानमा ४५ युनिट रगत सकंलन भएको छ । सहकारीको स्वास्थ्य उपसमितिले कार्यक्रम आयोजना गरेको हो ।

कार्यक्रममा सहकारीका अध्यक्ष भुवन नेम्कुलले विभिन्न समयमा सामाजिक उत्तर दाहित्वका काम गर्दै आएको सहकारीले रगत अभावका कारण कुनै पनि व्यक्तिले ज्यान नगुमाउन नपरोस् भनी रक्तदान गरेको बताए ।

उपाध्यक्ष शिव शर्मा, स्वास्थ्य उपसमिति संयोजक बुद्धि पौडेल, सहकारीकी सचिव तारा पराजुली पौडेल लगायतले कार्यक्रममा बोलेका थिए । रक्तदानका लागि रक्त सञ्चार केन्द्र पोखराले प्राविधिक सहयोग गरेको थियो ।