पाेखरा ।

नेपाली कांग्रेसका महामन्त्री गगन थापाले मंसिर ४ मा हुने संघीय चुनाव लड्न कास्की नआउने जवाफ दिएका छन् । कास्की निर्बाचन क्षेत्र नम्बर १ का केही कांग्रेस कार्यकर्ताले महामन्त्री थापालाई कास्कीबाट उमेद्वार बनाउनका लागि आजै नाम टिपाएका थिए ।

आज संघीय चुनाव लड्न खाेज्नेहरुले आकांक्षा व्यक्त गर्ने क्रममा कास्की काँग्रेसका सचिव भानुभक्त ढकाल लगायतले थापालाई १ बाट निर्बाचन लडाउनु पर्ने भन्दै नाम टिपाएका थिए ।

याे प्रस्तावकाे बारे थापाले सामाजिक सञ्जालमा लेख्दै आफू काठमाण्डाैं ४ बाटै निर्बाचन लड्ने तयारी गरेकाे भन्दै कास्की नआउने बताएका हुन् । यद्यपि आफू प्रति सदासयता देखाउने कास्की काँग्रेसका कार्यकर्तालाई भने थापाले धन्यवाद दिएका छन् ।