पोखरा ।
राष्ट्रिय बहुउद्देश्यीय सहकारी संस्था रामबजारको २० औं साधारण सभाले सीता दाहालको अध्यक्षतामा नयाँ सञ्चालक समिति निर्वाचित गरेको छ । पोखरामा शनिबार भएको अधिवेशनले समिति उपाध्यक्षमा रवीन्द्र गर्बुजा, सचिव ताराकुमारी थापा केसी, कोषाध्यक्ष कमला पुनलाई पनिा चयन गरेको छ । सदस्यमा टेकबहादुर पुन, डम्बरबहादुर बानियाँ र मधुमाया पुन छन् ।

संस्थाका अध्यक्ष सीता दाहालले विगतमा कोरोनाको बाबजुद संस्थाको सेयर वृद्धि भएको र आर्थिक स्थिति सन्तोषजनक भएको बताइन् । लेखा सुपरीवेक्षण समिति संयोजकमा प्रताप, सदस्यमा गणेशप्रसाद गौतम र रामनाथ भट्टराई चयन भए । निर्वाचन समिति संयोजकमा उमेश पुन थिए ।

सभा उद्धाटन गर्दै पूर्वमन्त्री समेत रहेका संस्थाका संरक्षक उत्तमबहादुर पुनले सञ्चालक समितिका पदाधिकारीलाई ऐन नियममा रही इमानदारीका साथ काम गर्न र अझै अग्रदिशामा लैजान आग्रह गरे । सहकारी सञ्चालक रवीन्द्र गर्बुजा पुनले स्वागत मन्तव्य व्यक्त गरेको कार्यक्रमको सञ्चालन सचिव पूर्णप्रसाद शर्माले गरेका थिए ।