पोखरा ।
पोखरा महानगरपालिका वडा नम्बर ५ का स्थानीयले आफैं टहरा भत्काउन थालेका छन् । जीरो निवासी राजाराम शाहीले आफ्नो घरमा बनाइएको मापदण्ड विपरित रहेको कार पार्कीङको टहरा र सपिङ सेन्टरको टिनको पालीलाई भत्काएका हुन् ।

काठमाडौं महानगरपालिकाका मेयर बालेन्द्र शाहको मापदण्ड विपरीत निमार्ण गरिएका सडक दायाँबायाँका संरचना हटाउने अभियानलाई साथ दिन टहरा हटाउन लागेको शाहीले जानकारी दिए । ‘यो राम्रो काम हो, वडाले पनि सूचना प्रकाशित गरेको छ राम्रो कामको सूरुवात आफैंबाट गनुपर्छ’ उनले भने ।

वडा नम्बर ५ ले जिरो किमीदेखि बागलुङ राजमार्ग सम्मका मापदण्ड विपरित निर्माण गरिएका संरचना हटाउन मंगलबार सूचना प्रकाशित गरेको थियो । सूचना जारी भएको सात दिनभित्र पनि मापदण्ड विपरतका संरचना नहटाए वडा ले नै हटाउन बाध्य हुने र कानुन बमोजिम हटाउँदाको खर्च समेत सम्वन्धित सरोकारवाला व्यक्तिबाट नै असुल उपर गरिने सूचनामा बताइएको छ ।