पोखरा ।
इन्जिनियरिङमा सक्रिय युवा अर्जुन नेपाली आफ्नो पहिलो सांगीतिक कोसेली ‘झल्को मेटियो’ लिएर बजारमा आएका छन् । ‘झल्को मेटियो’ गीत अर्जुन नेपालीको अफिसियल युट्युब च्यानलमार्फत् सार्वजनिक गरिएको हो ।

गीतमा लोक गायक राजु परियारको लय र शब्द छ । अर्जुन नेपाली र लक्ष्मी खड्काको स्वर रहेको यो गीतमा संगीत संयोजन सुनील परियारले गरेका छन् । निशान बानियाँले निर्देशन गरेको यो गीतमा अर्जुन नेपाली, लक्ष्मी खड्का, आरुषी मगर, सुनील परियारको अभियन छ ।

स्याङ्जाको आँधीखोला गाउँपालिका ५ सेतीदोभानमा जन्म भई हाल सडक विभागको स्थायी इन्जिनियर रहेका अर्जुन सांगीतिक क्षेत्रमा अघि बढेका हुन् । सामाजिक परिवेश अनुसार किशोरावस्थाको परिकल्पना गर्दै बैंसमा देखिएकी मायालुलाई उच्च शिक्षा अध्ययन र जागिरको बाध्यताले गर्दा छोड्नुपरेको र लामो समयपछि सरकारी जागिरे भएर मोटर बाटोको सर्भेमा जाँदमा पुनः उही मायालु भेटिएको प्रसंग गीतमा छ ।