पोखरा ।
पोखरा ५ मा गएको स्थानीय तह निर्वाचनमा एमालेका सबै उम्मेदवार विजयी भएका थिए । सोही वडामा मत माग्न पुगेको नेकपा एमाले कास्की क्षेत्र नम्बर ३ (२) का उम्मेदवार राजीव पहारीले अघिल्लो कार्यकालमा थालनी भएर अधुरा रहेका काम पूरा गर्न आफू फेरि मैदानमा आएको बताए ।

बिहीबारको घरदैलोमा उनले भने, ‘अघिल्लो कार्यकालमा सुरु भएका केही काम सम्पन्न भए, केही गर्दागर्दै बाँकी छन्, ती काम सम्पन्न गर्न उम्मेदवारी दिएको हुँ ।’ एमाले नेतृत्वमा प्रदेश र संघ सरकार हुँदा भएका कामका कारण जनताले फेरि एमालेलाई बहुमत दिने दाबी गरे ।

उनले भने, ‘देशको समृद्धि र विकासका लागि एमालेको सरकार बन्नुको विकल्प छैन । मंसिर ४ पछि एमालेको नेतृत्वमा समृद्धिको यात्राअघि बढ्छ ।’