पोखरा ।
कास्की २ (२) का सत्ता गठबन्धनका उम्मेदवार विन्दुकुमार थापाले पोखरा २० का दलित समुदायका समस्या सुनेका छन् । सोमबार उनलाई भलामका दलितले अब खानेपानी र कालोपत्र सडकको व्यवस्था गरिदिन माग गरे ।

स्थानीय विष्णु परियारले प्रदेशबाट पहल हुँदा पनि स्थानीयबीच सहमति नहुँदा केही विकास, निर्माणले गति लिन नसकेको सुनाइन् । यहाँ करिब ४० घरधुरी छन् । उम्मेदवार थापाले आफूले सडक ल्याउनका लागि पहल गरे पनि प्राविधिक कारण नमिल्दा असफल भएको सुनाए ।

‘हामीले यहाँ बाटो ल्याउने प्रयास अहिले पनि जारी राखेकै छौँ तर यहाँ प्राविधिक कुरा नमिलेका कारण सडक जोडन सकिरहेका छैनौँ’, उनले भने, ‘तत्कालै केही गर्न सक्ने स्थिति छैन ।

निर्वाचनको आचारसंहिता लाग्छ त्यसैले निर्वाचन सकिएलगत्तै यसका लागि पुनः पहल हुनेछ, त्यसमा ढुक्क हुनुहोस् ।’ थापाले देश विकास गर्नका लागि स्थानीय, प्रदेश र संघमा एउटै नेतृत्वको सरकार हुनु आवश्यक रहेको सुनाए ।