पोखरा ।
युवा रेडक्रस सर्कल मदरल्यान्ड माध्यमिक विद्यालयको आयोजना तथा क्षेत्रीय रक्तसञ्चार केन्द्रको प्राविधिक सहयोगमा शुक्रबार भएको आकस्मिक रक्तदानमा १ सय ३३ युनिट रगत संकलन भएको छ ।

रक्तसञ्चार केन्द्रमा रगतक अभाव भएपछि आकस्मिक रूपमा रक्तदान आयोजना गरिएको विद्यालयका सञ्चार प्रमुख होमनाथ भट्टराईले बताए । नेपाल रेडक्रस सोसाइटी कास्की उपसभापति डण्डराज शर्मा र विद्यालय निर्देशक त्रिभुवन शर्माले संयुक्त रूपमा पहिलो रक्तदाता विद्यालयका प्राचार्य नारायण बराललाई ब्लड ब्याग हस्तान्तरण गरी रक्तदान सुरुआत गरेका थिए ।

कार्यक्रममा शिक्षक, कर्मचारी तथा १० जोड २ मा अध्ययनरत विद्यार्थी ले रक्तदान गरेका थिए ।