पोखरा ।

मंसिर ४ गते हुने प्रतिनिधि प्रदेशसभा निर्वाचनको मिति नजिकिदै गर्दा मुस्ताङमा एमाले प्रवेश गर्ने लहर बढेको छ । निर्वाचनका लागि घरदैलो अभियानमा वारागुङ मुक्तिक्षेत्र–५ फल्याक पुगेका प्रतिनिधि सभा उम्मेदवार प्रेमप्रसाद तुलाचन र मुस्ताङ प्रदेश ख का उम्मेदवार एवं पार्टि जिल्ला ईञ्चार्ज चन्द्रमोहन गौचनले ७६ वर्षीय टशी गुरुङलाई पार्टि प्रवेश गराएका हुन् ।

कांगे्रेसका पुराना र पाका सदस्य रहेका गुरुङ निर्वाचनको सम्मुखमा कांग्रेस परित्याग गरी नेकपा(एमाले)मा प्रवेश गरेको पार्टि जिल्ला ईञ्चार्ज गौचनले जानकारी दिए । यसअघि २०७४ को प्रदेशसभा निर्वाचनमा कांग्रेसबाट चुनावमा उठेका मिक्यूर गुरुङलाई प्रदेश क उम्मेदवार ईन्द्रधाराच बिष्टले एमालेमा पार्टि प्रवेश गराएका थिए ।

गुरुङ र बिष्ट २०७४ प्रदेश क मा संगसंगै चुनाबमा उठेका थिए ।