सुन्दरकुमार थकाली,मुस्ताङ
मुस्ताङ

गण्डकी प्रदेश सरकारले जिल्ला अस्पताललाई बहुवर्षीय भवन निर्माण योजना अन्तर्गत बजेट विनियोजन गरेपछि जिल्लामा गृहकार्य सुरु गरिएको छ । गत वैशाख ११ गते अस्पताल व्यवस्थापन समितिका अध्यक्ष चन्द्रबहादुर गुरुङको अध्यक्षतामा सरोकारवाला सम्मिलित बैठकले अस्पताल भवन संरचना निर्माण तथा व्यवस्थापनबारे प्रारम्भिक निर्णय गरेको जनाइएको छ ।

१ वर्षअघि निर्माण भएको जिल्ला जन स्वास्थ्य कार्यालयको ३ तल भएको पक्की भवनमा साविक अस्पतालले प्रवाह गर्ने इमरजेन्सी तथा ओपिडी सेवासुविधा नियमित राखेर साविक अस्पताल भवन भएको ठाउँमा नयाँ संरचना निर्माण गर्ने निर्णय गरेको हो । २५ शड्ढयाको सेवा पु¥याउन चालु वर्षको पहिलो बजेटले अस्पताल भवन निर्माणको काम थालनी गरिने समितिका अध्यक्ष चन्द्रबहादुर गुरुङले जानकारी दिए ।

भवन निर्माण थालनी गर्दा साविक सेवा कसरी अघि बढाउने भन्ने बारेमा विकल्प खोजिएको हो । गण्डकी प्रदेश अन्तर्गत रहेका अस्पताल र स्वास्थ्य कार्यालयबीच समन्वय गरेर भवन निर्माण प्रक्रिया अघि बढाउनुपर्ने सरोकारवालाले सुझाव दिए ।

जनस्वास्थ्य कार्यालयका प्रमुख दुर्गादास उलकले भने निर्णयमा हस्ताक्षर गर्न मानेनन् । उनले आफ्नो स्वैच्छाले कार्यालय भवन प्रयोग गर्र्न दिनेबारे निर्णय गर्न नसकिने बताए । यता सरोकारवालाले जनस्वास्थ्य कार्यालय र अस्पताल नङ र मासु जस्तै भएकाले यसमा कुनै बाधा नभएको जनाए ।

अस्पताल समितिको बैठकमा घरपझोङ गाउँपालिकाका अध्यक्ष आशबहादुर थकाली, सहायक प्रमुख जिल्ला अधिकारी गौतम, अस्पताल व्यवस्थापन समितिका अध्यक्ष चन्द्रबहादुर गुरुङ, स्वास्थ्य कार्यालयका प्रमुख दुर्गादास उलक, राजनितिक दल, व्यवसायी, नागरिक समाज र पत्रकारको उपस्थित थिए । गण्डकी प्रदेशले जिल्ला अस्पताल जोमसोलाई चालु आर्थिक वर्ष ३० लाख बजेट विनियोजन गरेको छ ।