पाेखरा ।

पोखराकाे मणिपाल शिक्षण अस्पतालबाट खसेर १ महिलाको निधन भएको छ । सराङकोटकी अन्दाजी ६५ वर्षीय धनसरी घर्तीको ज्यान गएको हो ।

मुटुसम्बन्धी विरामी भएर भर्ना भएकी छोरीलाई भेट्न पुगेकी धनसरी अस्पतालको तेस्रो तलाबाट खसेकी थिइन् र उनको तत्कालै मृत्यु भएको जिल्ला प्रहरी कार्यालय कास्कीले जानकारी दिएकाे छ ।

धनसरीकी छोरी पूर्णकुमारी ३ दिनदेखि मुटुसम्बन्धी समस्याका कारण मणिपालमै उपचाररत रहेकी प्रहरीले जनाएको छ । घटनाको अनुसन्धान भइरहेको प्रहरीले बताएकाे छ ।