पोखरा ।
पत्रकार अनिता घिमिरेकी आमा देवकला घिमिरेको ८४ वर्षको उमेरमा निधन भएको छ । शनिबार एक्कासि हर्ट अट्याक भएपछि अस्पताल भर्ना मंगलबार मणिपाल शिक्षण अस्पतालमा भर्ना गरिएकी उनको उपचारको क्रममा निधन भएको हो ।

गत वर्ष देखि प्यारालाइसिस भएकी उनी दमबाट समेत पीडित थिइन् । देवकलाका ५ भाइ छोराहरु कृष्णप्रसाद, स्व बलराम, शिवप्रसाद, स्व उपेन्द्र घिमिरे र गोकर्ण र ३ बहिनी छोरीहरु स्व अम्बिका ज्ञवाली, मिठु नेपाल र अनिता घिमिरे छन् ।

स्व देवकलाको पाल्पा, गुल्मी र स्याङ्जाको संगम रिडीमा मंगलबार नै अन्त्येष्टी हुने नाति भुवन घिमिरेले बताए । गत जेठमा पाल्पाको तानसेन १४, कुसेनीमा उनको चौरासीपूजा भएको भुवले बताए ।

अनिताले अघिल्लो वर्ष कोरोनामा आफ्ना माहिला दाइ बलराम घिमिरे, दिदी अम्बिका ज्ञवाली र भिनाजु प्रकाश ज्ञवालीलाई समेत गुमाएकी थिइन्।