समाधान सम्वाददाता, पोखरा

नेपाल होटल संघको ४६ औं महाधिवेशन नयाँ कार्य समिति चयन गर्दै सम्पन्न भएको छ । राजधानीमा विहिबार सम्पन्न महाधिवेशनले सृजना राणाको अध्यक्षतामा १९ सदस्यीय कार्य समिति चयन गरेको छ ।

नवनिर्बाचित कार्य समितिमा पोखराका पर्यटन व्यवसायी विप्लब पौडेल र भरत पराजुली केन्द्रिय सदस्यमा निर्बाचित भएका छन् । बाराही हस्पिटालिटी ग्रुपका पौडेल खुल्ला तर्फबाट केन्द्रिय सदस्यमा निर्बाचित भएका हुन भने होटल पिस प्लाजाका पराजुली पश्चिमाञ्चल होटल संघको प्रतिनिधिका रुपमा केन्द्रिय सदस्यमा निर्बाचित भएका हुन ।

सर्बसम्मत रुपमा चयन भएको केन्द्रिय कार्य समितिको प्रथम उपाध्यक्षमा विनायक शाह, द्धितिय उपाध्यक्षमा प्रविण पाण्डे, महासचिवमा साजन शाक्य र कोषाध्यक्षमा विशाल कुमार निर्बाचित भएका छन् । नेपाल होटल संघमा देशभरका करिब तीन हजार पर्यटकीय होटल व्यवसायीहरु सदस्य छन् ।