पोखरा ।
नेकपा एमालेका नेता पदम गिरी स्वास्थ्य तथा जनसंख्या मन्त्री बन्ने भएका छन् । सत्ता गठबन्धनमा भएको भागबन्डामा एमालेको भागमा स्वास्थ्यसहित ८ वटा मन्त्रालय परेको छ । एमालले पर्वतबाट निर्वाचित प्रतिनिधिसभा सदस्य गिरीलाई स्वास्थ्य मन्त्री बनाउने पक्का भएको हो ।

मन्त्रिपरिषद्को सिफारिसमा राष्ट्रपतिबाट मनोनीत राष्ट्रियसभा सदस्य डा. विमला राई पौडेललाई परराष्ट्रमन्त्री बनाउने तयारी रहेको स्रोतले जनाएको छ ।

एमालेबाट पर्वतका पदम गिरी, सुनसरीकी भगवती चौधरी, सर्लाहीका हरि उप्रेती र कपिलवस्तुका बलराम अधिकारी र डा. विमला राई पौडेल मन्त्री बन्ने एक नेताले बताए ।