पोखरा ।
रोटरी क्लब अफ पोखराको २५ औं स्थापना दिवसको अवसरमा क्लबले आँखा जाँच कार्यक्रम गरेको छ । हिमालय आँखा अस्पतालको सहयोगमा निशुल्क आँखा परीक्षण र चस्मा, औषधी वितरण गरिएको हो ।

यसबाट १ सय ६३ जना उक्त कार्यक्रमबाट लाभान्वित भए । सोही उपलक्ष्यमा सिलाइकटाइसम्बन्धी ३ महिने प्रशिक्षण र सौन्दर्य तालिमसमेत दिइएको छ ।

तालिमका ३५ जना सहभागी थिए । क्लबका पूर्वअध्यक्ष र पूर्व गभर्नर किरणलाल श्रेष्ठले रोटरी स्थापना कालदेखि नै शिक्षा, स्वास्थमा र महिला जागरणमा लागेको जानकारी दिए । कार्यक्रम सञ्चालन पूर्वअध्यक्ष मीनु श्रेष्ठ कुँवरले गरेकी थिइन् ।