पोखरा ।
पोखरा महोत्सवमा आयोजित टिकटक प्रतियोगिताको उपाधि लक्ष्मण गोलेले हात पारेका छन । गोलेले नगद ३० हजार र प्रमाणपत्र पाए । गोलेले महोत्सव स्थलमा राखिएको टिकटक निर्माण स्थलमा टिकटक बनाएर सर्वाधिक भ्युज बनाउन सफल भएका थिए । गोलेको भिडियोले १.९ मिलियन भ्युज पाएको छ ।

प्रतियोगितामा जमुना थापा मगरले १.६ मिलियन भ्युज बटुल्दै दोस्रो स्थान हासिल गरिन् । उनले नगद २० हजार र प्रमाणपत्र पाइन् । प्रतियोगितामा ४ सय ५० भन्दा बढीले भाग लिएका थिए ।

महोत्सव आयोजक युनाइटेड क्लबले टिकटकलाई रमाइलो मात्र नभई संस्कृति संरक्षण र सभ्य समाज निर्माणसँगै टिकटक चलाएर पनि प्रतियोगितामा सहभागी हुन सकिने महोत्सव प्रचारप्रसार संयोजक दिनेश सुनारले बताए ।

महोत्सव १३ औं दिनसम्म आइपुग्दा करिब २ लाख ४० हजारले अवलोकन गरेका छन् । सोमबारसम्म ८ करोड ६० लाख कारोबार भएको महोत्सवका अर्थ व्यवस्थापन उपसमिति संयोजक सूर्यबहादुर बानियाँले जानकारी दिए ।
सोमबार महोत्सवमा उपस्थित दर्शकलाई चर्चित लोकदोहोरी गायक श्याम राना, अस्मिता डल्लाकोटी, जीवन दाहाल, शिवहरि ढुंगाना, मधु थापा मगर, किसन नेपाली, सानु विकास, कमला सुनार लगायतले मनोरञ्जन दिए ।

महोत्सवको अन्तिम दिन मंगलबार लोकदोहोरीतर्फ प्रजापति पराजुली, जीवन दाहाल, तारापति सुवेदी, चोलेन्द्र पौडेल, शंकरविरही गुरुङ, शिवहरि ढुंगाना, तुलसा जिसी, दुर्गा क्षेत्री, कमला सुनार लगायतको प्रस्तुति रहनेछ । साँझको कन्सर्टमा ¥यापर माइलाले मनोरञ्जन दिने छन् ।