पोखरा ।
मनिपाल शिक्षण अस्पताल र बतास फाउन्डेसनबीच ‘कर्पोरेट स्वास्थ्य जाँच योजना‘मा सहमति भएको छ । अस्पतालले ल्याएको नयाँ स्वास्थ्य प्याकेज व्यावसायिक प्रतिष्ठान तथा संघ, संस्था स्वास्थ परिक्षण योजनामा अस्पताल र बतास फाउन्डेसन बिच सहमति भएको हो ।

बतास फाउन्डेसनमा कार्यरत कर्मचारीले मणिपाल शिक्षण अस्पतालको स्वास्थ्य सेवामा छुट पाउने छन् । मणिपाल शिक्षण अस्पताल पोखरा र बतास फाउन्डेसनबीच स्वास्थ्य सेवा सुविधसम्बन्धी सहमति भएसँगै फाउन्डेसनमा आवद्ध कर्मचारीले सो सुविधा पाउने भएका हुन् ।

मनिपाल शिक्षण अस्पताल पोखराका प्रमुख कार्यकारी अधिकृत अनील ओडुविल र बतास फाउन्डेसनका मानव संशाधन प्रबन्धक भोला तिमिल्सिना बीच भएको सहमाती अनुसार अब फाउन्डेसनका कर्मचारीले मणिपालको स्वास्थ्य सेवा लिँदा दर्ता शुल्क लाग्ने छैन ।

संघका सदस्यले मनिपालको साधारण बेडमा २५ प्रतिशत, निःशुल्क डाक्टरी परामर्श, साधारण एमआरआइ र सिटी स्क्यानमा १० प्रतिशत छुट पाउने छन् । ‘न्युरो सर्जरी तथा अति विशिष्ट सेवा बाहेकका अन्य शल्यक्रियामा १० प्रतिशत छुट दिइनेछ,’ सम्झौतापत्रमा भनिएको छ, ‘नियमित जाँचमा १५ प्रतिशत छुटको व्यवस्था छ ।’