पोखरा ।
लैगिंक हिंसा विरुद्ध पुरुषहरुको ऐक्यवद्धता महिला पुरुष सचेतना कार्यक्रम पोखरा र ७ मा सम्पन्न भएको छ । कार्यक्रममा पोखरा ७ का अध्यक्ष राममोहन आचार्यले यस्ता कार्यक्रमले महिला पुरुषबीच सम विकासको सिद्धान्त लागू गराउने बताए ।

उनले कार्यक्रममा सक्रिय सहभागिता जनाउनका लागि अनुरोध गरे । वडा कार्यालय जनतालाई स्थानीय सरकारको अनुभूति दिने गरी लागेको जनाउँदै वडावासीबाट रचनात्मक सल्लाह, सुझावको अपेक्षा गरे ।

कार्यक्रम संयोजक तथा वडा सदस्य सुनिता सुनारले यस कार्यक्रमले समाजमा महत्वपूर्ण भूमिका निर्वाह गर्ने अपेक्षा गरिन् ।

कार्यक्रममा लिंग र लैंगिकताको विषयमा अधिवक्ता गीताकुमारी लामिछाने, महिलाको अवस्था र कानुनी व्यवस्थाका बारेमा अधिवक्ता लक्ष्मण शर्मा र लैंगिक हिंसा न्यूनीकरणमा महिला तथा पुरुषको भूमिकाको विषयमा पत्रकार दुर्गा अधिकारीले सहजीकरण गरेका छन् ।

सचेतनामा वडा नम्वर ७ का विभिन्न टोल विकास संस्था, आमा समूह, युवा क्लब र महिला क्लबबाट ४० जनाको सहभागिता छ ।